Klaksvíkingur klárur til ólavsøkuróðurin

Í morgin er Ólavsøkuaftan og seinasti FM róðurin 2009 verður rógvin á Havnarvág.

Fyri okkum í Klaksvíkar Róðrarfelag er serliga spennandi hvussu okkara manningar fara at klára seg í morgin. Klaksvíkingur er á odda við 2 stigum sum er, men enn er einki avgjørt. Vit hava biðið bátsformannin umborð á Klaksvíkini um eina viðmerking.

Svein Rógvi sigur, at hetta er endin uppá nógva venjing, har tað optimala skal avgerast. Tað verður kanska øðrvísi at rógva á Ólavsøku í ár, tí nú verður tað eisini altjóða rógvarar sum luttaka. Tað verður í øllum førum ein spennandi róður, har besti báturin gerst vinnari.

Vit ynskja Klaksvíkingi góða eydnu á Havnarvág.